INDAUR, Indur — Hindistonning markaziy qismidagi shahar, MadhyaPradesh shtatida. Aholisi 1,2 mln. kishidan ziyod (1990-y. lar oʻrtalari). Transport yoʻllari tuguni va savdo-sanoat markazi. Aeroport bor. I. dan Dehli — Mumbay avtomobil yoʻli oʻtgan. Ip gazlama i. ch. sanoatining yetakchi tarmogʻi. Paxta tozalash, oziq-ovqat, metallsozlik va mashinosozlik, kimyo korxonalari bor. Oʻsimliklardan sanoatda foydalanish in-ti ochilgan. Indaur 1818—1950-y. larda Indur knyazligining poytaxti, 1950—56 y. larda Madhya-Bharat shtatining maʼmuriy markazi boʻlgan.