IGOR SVYATOSLAVICH (1150 – 1202) — Novgorod-Seversk (1178-y. dan) va Chernigov (1198-y. dan) knyazi. Qad. rus adabiy yodgorligi — Igor polki jangnomasi qahramoni. 12-a. da Kiyev Rusi taxti uchun oʻzaro kurashlarda qipchoqlar (poloveslar) yordamida ishtirok etgan va bu bilan Jan. Rusni talon-taroj boʻlishiga imkon yaratib bergan. Qipchoqlarning tazyiqi kuchaygach, Igor Svyatoslavich boshqa knyazlar b-n ittifoq boʻlib qipchoklar ustiga yurish qilgan (1185). Ruslar Don va Sala daryolari boʻylarida joylashgan qipchoqlar qarorgohiga toʻsatdan hujum qiladilar. Bu paytda qarorgoxda chollar, ayollar, bolalardan boshqa hech kim yoʻq edi, erkaklar safarda boʻlishgan. Ruslar qarorgohni talon-taroj etib, katta oʻlja bilan qaytayotganlarida Qoyali (Ka-galnik) sohilida qipchoqlar tomonidan oʻrab olinib tor-mor keltirilgan, knyazlar, shu jumladan Igor svyatoslavich S asir tushgan, oʻgʻlini qoldirib oʻzi qochgan. Igor svyatoslavich S ning ushbu yurishi keyinchalik «Igor polki jangnomasi» asosiy mazmunini tashkil qilgan.