IBROHIMOV Abduqahhor Abdusamatovich (1939.16.8, Toshkent) — yozuvchi, dramaturg, publitsist, Oʻzbekiston Respublikasi sanʼat arbobi (1990). Toshkent unti filologiya f-tining jurnalistika boʻlimini tugatgan (1962). «Oʻzbekiston madaniyati» gaz. da adabiy xodim va budim mudiri (1962—72), «Guliston» jur. da masʼul kotib (1972—75), «Oʻzbekiston adabiyoti va sanʼati» gaz. da boʻlim mudiri (1978 — 84), Oʻzbekiston Madaniyat vazirligida repertuar-tahrir hayʼati bosh muharriri (1984—86), Oʻzbekiston Respublikasi Prezidenti devonida konsultant va yetakchi konsultant (1990— 93), Respublika «Maʼnaviyat va maʼrifat» markazida bosh mutaxassis (1994-y. dan). Adabiy faoliyati 60-y. larda boshlangan. «Qoya ostida» (1972), «Soʻnggi nur» (1977), «Osmon yaqin, yer yumshoq» (1982) hikoyalar toʻplamlari, «Uyqu kelmas kechalar» (1998) romani muallifi. «Til — taqdir demak» (1990), «Vatan tuygʻusi» (hamkorlikda, 1996), «Bizkim, oʻzbeklar» (1999) kabi badiiy va siyosiy publitsistik asarlarida til, koʻhna milliy davlatchiligimiz tarixi aks ettirilgan. «Bi-rinchi boʻsa» lirik dramasi «Yosh gvardiya» (hoz. Abror Hidoyatov nomli) teatrida sahnalashtirilgan (1971). Bundan tashqari, «Arra» (1971), «Mayli, mayli» (1972), «Zoʻldir» (1973), «Meni aytdi demang» (1973), «Tani-sangiz kerak» (1974), «Sochqi» (1976), «Tovushsiz karsaklar» (1980), «Oʻzbekcha nikoh» (1993), «Shaytonning yoʻli» (1994) va b. pyesalari Oʻzbekistonda va b. davlatlarning teatrlarida sahnalashtirilgan. «Mehnat shuxrati» ordeni bilan mukofotlangan (1999).