IBN SINO NOMIDAGI NASHRIYOT — Oʻzbekiston matbuot va axborot agentligiga qarashli tibbiy nashriyoti. Oʻzbekiston davlat tibbiyot nashriyoti sifatida 1959-y. tashkil etilgan. 1964-y. dan «Meditsina» deb nomlangan. 1990-y. dan hoz. nomda. Oliy va oʻrta tibbiyot oʻquv yurtlari uchun darslik va oʻquv qoʻllanmalari, tibbiyotga oid ilmiy asarlar, shifokorlar uchun amaliy qoʻllanmalar, sanitariya maorifi boʻyicha ommabop tibbiy adabiyot, lu-gʻat, maʼlumotnomalar, plakatlar va b. tur kitoblar nashr etadi. 2002-y. da umumiy hajmi 1 mln. 375 ming nusxada 75 nomda kitob va risola nashr etgan.