КУБРАТХОН, Куврат,Курт (584 642) — қад. булғорлар хони (632—642). Турк хоқонлиги парчалангач (7-а. 30-й.
лари), дуло уруғи вакили Кубратхон зудлик билан Азов бўйи даштларидаги тарқоқ булғор қабилаларини бирлаштира бошлаган. Шу тариқа тарихий манбаларда Бўюк Булғория номи билан машҳур бўлган янги давлат бирлашмаси вужудга келган. Унинг таркибига туркийзабон булғорларгива эмас, балки уғур (угор) тилида сўзлашувчи қад. мажор (венгер) қабилалари ҳам кирган, лекин, етакчи давлат тили [ҳукмрон дуло уруғининг тили] — туркий тил бўлган, Бу — бирлашма негизида элатлар шакллана бошлаганлигидан гувохлик беради. Кубратхон вафоти билан у тузган давлат ҳам парчаланиб кетган, уларга Кубратхоннинг ўғиллари — Батбой (катта ўғли) ва Аспарух бошчилик қилишган.
Ад.: Плетнева С. А., Кочевники средневековья, М, 1982.