📜 Инструкция по применению Пенталгин-ICN
💊 Состав препарата Пенталгин-ICN
✅ Применение препарата Пенталгин-ICN
📅 Условия хранения Пенталгин-ICN
⏳ Срок годности Пенталгин-ICN

ҚЎЛЛАШ БЎЙИЧА ЙЎРИҚНОМА

ПЕНТАЛГИН®ICN

PENTALGIN®-ICN

 

Препаратнинг савдо номи: Пенталгин®-ICN

Таъсир этувчи моддалар (ХПН): метамизол натрий, парацетамол, кофеин, кодеин фосфати, фенобарбитал.

Дори шакли: таблеткалар

Таркиби:

Бир таблетка қуйидагиларни сақлайди:

фаол моддалар: метамизол натрий – 300 мг, парацетамол – 300 мг, кофеин (қуруқ моддага қайта ҳисоблаганда) – 50 мг, кодеин фосфати (қуруқ моддага қайта ҳисоблаганда) – 8 мг, фенобарбитал – 10 мг;

ёрдамчи моддалар: картошка крахмали – 120 мг, повидон (қуйимолекуляр тиббий поливинилпирролидон) – 4 мг, стеарин кислотаси – 4 мг, кальций стеарати – 4 мг.

Таърифи: оқдан то сариқ ёки оч-сариқ тусли оқ ранглигача, икки томони қавариқ капсула шаклли, ён юзалари ясси, бир томонида рискали ва бошқа томонида PENTALGIN гравировкаси бўлган таблеткалар.

Фармакотерапевтик гурухи: анальгетик восита (оғриқни қолдирувчи опиоид восита+ НЯҚВ+оғриқни қолдирувчи нонаркотик восита+психостимулятор восита+барбитурат)

АТХ коди: N02BB72

Фармакологик таъсири

Анальгетик, иситмани туширувчи, мигренга қарши таъсир кўрсатувчи мажмуавий препаратдир.

Парацетамол – нонаркотик анальгетик; оғриқ ва терморегуляция марказларига таъсир қилиб, асосан МНТ да циколооксигеназани блоклайди; оғриқни қолдирувчи ва иситмани туширувчи таъсир кўрсатади. Метамизол натрий – яққол анальгетик самарага эга бўлган ностероид яллиғланишга қарши воситадир. Кофеин беморларнинг ўзини ҳис қилишини яхшилайди ва томир генезли бош оғриғини (шу жумладан мигренни) камайтиради. Фенобарбитал метамизол натрий ва парацетамолнинг анальгетик самарадорлигини оширади. Кодеин антиноцицептив тизиминиг рағбатлантирилиши ва оғриқнинг эмоционал ҳис қилишни ўзгаришига олиб келувчи МНТ турли бўлимларидаги опиат рецепторларни қўзғалиши билан боғлиқ бўлган оғриқни қолдирувчи таъсир кўрсатади.

Қўлланилиши

“Пенталгин®-ICN” турли генезли кучсиз ва кучли жадалликдаги оғриқ синдромида (шу жумладан бўғимлар, мушаклардаги оғриқларда, радикулитда, хайз кўриш оғриқларида, невралгияларда, бош ва тиш оғриқларида) қўлланади.

“Пенталгин®-ICN” иситма синдроми билан бирга кечувчи шамоллаш холатларида қўлланиши мумкин.

 

Қўллаш усули ва дозалари

Препарат одатда 1 таблеткадан кунига 1-3 марта қабул қилинади. Максимал суткалик доза – 4 таблетка. Препаратни шифокорнинг буюриши ва кузатувисиз, оғриқни қолдирувчи восита сифатида 5 кундан ортиқ ва иситмани туширувчи восита сифатида 3 кундан ортиқ қабул қилиш мумкин эмас.

 

 

Ножўя таъсирлари

Аллергик реакциялар (тошма, қичишиш, эшакеми), бош айланиши, уйқучанлик, юрак уриши, тахикардия, кўнгил айниши, қусиш, қабзият; лейкопения, гранулоцитопения, агранулоцитоз. Узоқ муддат назоратсиз юқори дозаларда қабул қилганда – ўрганиб қолиш (оғриқни қолдирувчи самарасини сусайиши), дорига қарамлик (кодеин); жигар ва/ёки буйрак етишмовчилиги.

Қўллаш мумкин бўлмаган ҳолатлар

Ўта юқори сезувчанлик, оғир даражали жигар ва/ёки буйрак етишмовчилиги, жигар порфирияси; бронхиал астма, бронхиал астма, қайталанувчи бурун ва ёндош бўшлиқлар полипози ва ацетилсалицил кислотаси ёки ностероид яллиғланишга қарши препаратларни ўзлаштираолмасликни тўлиқ ёки нотўлиқ бирга кечиши; глюкозо-6-фосфатдегидрогеназанинг танқислиги; анемия, лейкопения; агранулоцитоз, геморрагик диатез; нафасни сусайиши билан бирга кечувчи ҳолатлар; бош-мия ички гипертензияси, ўткир миокард инфаркти; аритмиялар, алкоголли мастлик, анамнезида опиоидлар, транквилизаторлар, седатив воиталарни суиистеъмол қилиш, глоукома, ҳомиладорлик, лактация даври, 12 ёшдан кичик болалар.

Нафас аъзолари патологиялари (масалан бронхиал астма ва нафас йўлларининг бошқа сурункали касалликлари), тонзиллэктомия ва аденоидэктомия ўтказилгандан кейин, респиратор функцияни бузилиши, шу жумладан нейро-мушак бузилишлари, юракнинг оғир касалликлари, кўплаб жароҳатлар ёки катта жаррохлик операциялари ўтказган болалар ва 12 ёшдан 18 ёшгача ўсмирларда препаратни қўллаш мумкин эмас.

Цитохром Р450 (CYPD6) ферментининг фаоллиги юқори бўлган пациентларда қўллаш тавсия этилади.

Эҳтиёткорлик билан

Меъда ва ўн икки бармоқ ичак яра касаллиги (ремиссия босқичидаги), буйрак ва жигар функциясини бузилишлари, кексалик ёши, артериал гипертензияда эҳтиёткорлик билан қўлланади.

Дориларнинг ўзаро таъсири

МНТ га сусайтирувчи таъсир кўрсатувчи воситалар (шу жумладан седатив воситалар, транквилизаторлар) бир вақтда қўлланганида, седатив самарасининг яққолигини ва нафас марказига сусайтирувчи таъсирини кучайиш эҳтимоли бор.

Этанолнинг психомотор реакцияга таъсирини кучайтиради.

Метамизол натрий циклоспориннинг концентрациясини пасайтиради.

Метамизол натрий перорал гипогликемик препаратлар, билвосита антикоагулянтлар, глюкокортикостероидлар ва индометацинни оқсил билан боғидан сиқиб чиқариб, уларнинг фаоллигини кучайтиради.

Трициклик антидепрессантлар, ичга қабул қилиш учун хомиладорликка қарши воситалар, аллопуринол жигарда метамизолнинг метаболизмини издан чиқаради ва унинг токсиклигини оширади.

Препаратни бошқа нонаркотик анальгетиклар билан бир вақтда қўллаш токсик самараларини кучайишига олиб келиши мумкин.

Барбитуратлар, фенилбутазон ва жигар микросомал ферментларининг бошқа индукторлари, метамизолнинг таъсирини сусайтирадилар.

Махсус кўрсатмалар

Давомли (1 ҳафтадан кўпроқ) даволашда қоннинг периферик манзарасини ва жигарнинг функционал ҳолатини назорат қилиш керак.

Спортчиларнинг допинг-назорат таҳлилларининг натижаларини ўзгартириши мумкин.

Ўткир абдоминал оғриқ синдромида ташҳис қўйишни қийинлаштиради. Атопик бронхиал астмаси, поллинозлари бўлган беморларда, ўта юқори сезувчанлик реакцияларини ривожланишининг юқори хавфи бор.

 

Ҳомиладорлик ва эмизиш даврида қўлланиши

Ҳомиладорликда препаратни қўллаш мумкин эмас.

Препаратни эмизиш даврида қўллаш зарурати бўлганида эмизишни тўхтатиш керак. Препаратнинг таркибидаги кодеинни эмизиш даврида қўллаш мумкин эмас. Уни терапевтик дозаларда қўллаганда кодеин ва унинг фаол метаболитлари жуда паст дозаларда кўкрак сутига ажралиши мумкин, лекин пациентда CYPD6 изофермент фаоллиги юқори бўлганида организмда кодеин метаболити – морфиннинг юқори концентрациялари юзага келиши мумкин, у кўкрак сути билан ажралиши ва жуда кам ҳолларда янги туғилган чақалоқларда опиоид токсиклик симптомларига олиб келади, бу ўлимга олиб келиши мумкин.

Транспорт воситаларини, механизмларни бошқариш қобилиятига таъсири

Седатив таъсирини ривожланиши мумкинлиги туфайли, даволаниш вақтида автотранспортни бошқариш ва диққатни юқори жамлашни ва психомотор ва ҳаракат реакциялар тезлигини талаб қилувчи бошқа потенциал хавфли фаолият турлари билан шуғулланиш тавсия қилинмайди.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Кўнгил айниши, қусиш, гастралгия, тахикардия, аритмия, нафас марказини сусайиши.

Меъдани ювиш, ичак адсорбентларини буюриш, зарурати бўлганида симптоматик даволашни ўтказиш кўрсатилган.

 

Чиқарилиш шакли

12 таблеткадан поливинилхлорид плёнка ва босма лакланган алюмин фольгали контур уяли ўрамда.

1 контур ўрам давлат ва рус тилларидаги қўллаш бўйича йўриқномаси билан бирга картон қутида.

Яроқлилик муддати

3 йил.

Сақлаш шароити

25ºС юқори бўлмаган хароратда сақлансин.

Оригинал ўрамида сақлансин.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.