Minnesota universitetida o‘tkazilgan tadqiqot qo‘ziqorin ochlik hissini uzoq vaqtgacha yengib turishini ko‘rsatdi. Olimlar fikricha, aksariyat parhezlar kaloriyalilik jihatidan o‘xshash, lekin to‘yimlilik darajasi bo‘yicha bir-biridan keskin farq qiladi.

Misol uchun yong‘oq qorinni tez to‘ydiradi, yog‘ va shakarga boy mahsulotlar iste’mol qilinganda esa, ochlik hissi darrov bosilmaydi. Tadqiqot doirasida olimlar ko‘ngillilardan iborat guruh tuzdi va ularga nonushta va tushlikda turli xil taomlar berib borildi.

Ishtirokchilar ovqatlanib bo‘lganidan so‘ng nonushta yoki tushlik qanchalik to‘yimli bo‘lgani haqidadagi savollarga javob berib bordilar. Natijada, qo‘ziqorin to‘qlik hissini go‘shtdan ko‘ra ko‘proq vaqt saqlab turishi ma’lum bo‘ldi. Qo‘ziqorinning afzal tomonlaridan yana biri – u vitamin va antioksidantlarga boy.

Mirjalol Madvaliyev tayyorladi.

soglom.uz/tavsiya/qoziqorin-ozishni-xohlaydiganlarga-yaxshi-foyda-beradi/