Insonparvar kishining yurish-turishidan ko‘rinib turuvchi axloqiy odob mavjudki, bunday odob tajang odamda bo‘lmaydi.
D. DIDRO

Biz o‘zimizda boodoblik tuyg‘usini rivojlantirmog‘imiz kerak, aks holda, kishilar hurmatini qozonib olgach, uni tezda boy berib qo‘yishimiz ham mumkin. Bu saboq kishiga nihoyatda qimmatga tushadi va afsuski, o‘z avlodini ham bu og‘ir qarzdan qutqarolmaydi.
I. GYoTE

Boodoblik yordamida hattoki kuch bylan erishish mumkin bo‘lmagan g‘alabaga ham erishish mumkin.
J. LEBBOK

Olijanob bo‘lishning o‘zi kifoya emas, boodoblik ham zarur.
A. AMIEL

Hayotda muvaffaqiyat qozonish uchun iste’dodlilikdan ko‘ra kishilar bilan xushmuomalada bo‘lish ko‘proq muhimdir.
J. LEBBOK

Modomiki bir-ikki og‘iz shirin so‘z odamni baxtiyor etsa, shuni qizg‘angan odam ablahdir.
T.PEN

Xushmuomalalik va kamtarlik kishining chinakam ma’rifatliligidan nishona.
O. BALZAK

Xushmuomalalikka haq to‘lanmasa ham u ko‘p naf keltiradi.
M. MONTEGYu

Tasviriy san’at asarlarini yaxshi ko‘rinsin uchun bajonidil yorug‘ joyga qo‘yamiz, odamlar bilan ham xuddi shunday xushmuomalada bo‘lishimiz kerak.
R. EMERSON

Qo‘pollikni hech qanday bahona oqlay olmaydi.
T. G. ShEVChENKO

Kishilarning xushmuomala bo‘lishlari uchun umrlari bemalol yetadi.
R. EMERSON

Hushmuomalani qizg‘anma, mayli oshirib yubor.
M. SERVANTES

Hamma bilan xushmuomalada bo‘l, ko‘pchilikka inoqlash, faqat ayrimlar bilangina rasmiy muomala qil.
V. FRANKLIN

Barchaga iltifotli bo‘lu,ammo takallufsizlik qilma.
V. ShEKSPIR

Kechirim so‘raganda ham haqorat qilgandagidek oshirib yubormang.
V. ShEKSPIR

Xushmuomalalik ham agar pisanda qilinsa, haqoratga aylanadi.
B. GRASIAN

Kimki yoqimtoy bo‘lishni istasa, xuddi shu yoqimtoy bo‘lishni istagani uchun ham doimo yoqimsiz ko‘rinadi.
Ye. B. VAXTANGOV

Ortiqcha iltifot haddan tashqari bachkana ko‘rinadi.
MARK TVEN

Beodoblik — alohida bir illat emas, balki kuruq manmanlik, burch tuyg‘usining yo‘qligi, tanballik, bema’nilik, xayolparishonlik, dimog‘dorlik, xasad singari ko‘pgipa illatlarning oqibatidir.
J. LABRUER

Eng og‘ir haqorat sendan hech bir yomonlik ko‘rmagan kishining haqoratidir.
ABUL FAROJ

Sizga munofiqlik qilishini sira kutmagan odamingizning xafa qilishiga ayniqsa chidash qiyin.
EZOP

Oshkora etilmaydigan tuyg‘ularimizdan biri ayniqsa nafratdir.
A. RIVAROL

Nafrat — razillikni, ba’zan aqli zaiflikni yashiruvchi niqobdir; nafrat saxovat, aql va odamlarni tushunish xislati yetishmasligining belgisidir.
A. DOBE

Ko‘pincha jahlga nisbatan nafratni yashirgan yaxshiroq: xafagarchilik unutilishi mumkin, biroq nafrat esa hech qachon kechirilmaydi.
F. ChESTERFILD

Sharttakilik, dag‘allik, betga choparlik — shunday nuqsonlarki, hatto ulardan ba’zi oqil odamlar ham mustasno emas.
J. LABRUER

Surbetlik ataylab qilingan xatti-harakat emas, balki xarakter nuqsonidir; tug‘ma nuqsondir.
J. LABRUER

Aksari yoshlar o‘zlarini dag‘al va qo‘pol tuta turib, buni yana tabiiy hol deb biladilar.
F. LAROShFUKO

Qo‘pollik o‘z qadr-qimmatini unutish demakdir.
N. G. ChERNIShEVSKIY

Fe’l-atvorda mo‘tadillik hamisha ezgulikdir.
T.PEN

Qo‘pollik — ruhiy qashshoqlik.
M. EBNER-EShENBAX

Qo‘pollik ham bukrilik kabi mayiblikdir.
M. GORKIY

Beodoblik — johillik urug‘i.
S. VATLER

Minnatdorchilik barcha yaxshiliklar ichida eng oddiysi bo‘lgani holda, ko‘rnamaklik esa barcha illatlar ichidagi eng yomon illatdir.
T. FULLER

Ko‘rnamak odamdan ham mudhishroq yana kim bo‘lishi mumkin?
V. ShEKSPIR

Minnatdorchilik — eng katta yaxshiliklarning biri. Ammo minnatdorchilik talab qilishdagi me’yor esa undan ham katta yaxshilikdir.
F. GEBBEL

Kilgan har bir saxovating uchun minnatdorchilik talab etish savdolashish degan so‘z.
A. DEKURSEL

Minnatdorchilik tashakkur bildirilayotgan kishining huquqi emas, balki minnatdorchilik aytayotgan odamning burchidir; minnatdorchilik talab qilish — ahmoqlik, minnatdor bo‘lmaslik esa tubanlikdir.
V. O. KLYuChEVSKIY

Senga qilingan yaxshilikni unutma, lekin o‘zing qilgan yaxshilikni unut.
PUBLILIY SIR

Agar kishi o‘zi yaxshi ko‘rgan odamiga yaxshilik qilgan bo‘lsa, keyin bu ishini har qanday sharoitda ham eslab yurmasligi kerak.
J. LABRUER

Hammaga va har kimga gapirib yuriladigan yaxshilikni yaxshi ish deb bo‘lmaydi.
D. MUKERJI

Agar kishi ba’zan his-tuyg‘ularini jilovlay olmasa ham har qalay doimo tilini jilovlay olmog‘i kerak.
P. BUAST

So‘kinish odati kuchaygan sari beixtiyor yomon xatti-harakatlarga mayillik ham kuchaya boradi.
ARASTU

Agarda til har narsani valdirayversa, hamma o‘zini noqulay sezadi.
J. J. RUSSO

Shirin so‘zli shilgay dushmai po‘stini, Dag‘al so‘zli dushman qilar do‘stini.
SA’DIY

So‘z — shamol, haqoratli so‘z esa yelvizak kabi zararlidir.
V. ShEKSPIR

Yomon so‘z kuchli dalil bo‘lolmaydi.
V. O. KLYuChEVSKIY

Kuchlilik so‘kinishga muhtoj emas.
F. M. DOSTOEVSKIY

Shovqin-suron hech nimani isbotlamaydi. Tuxum qo‘ygan tovuq xuddi bir kichik sayyorani tuqqandek qaqillaydi.
MARK TVEN

Shovqin-suron uchun mayda odamlarni — nog‘orachilarni tanlaydilar.
G. LIXTENBERG

Kishini haqoratlash uchun ko‘p vaqt kerakmas, lekin uning foydasi ham oz.
D. I. PISAREV

O‘zgaga qilgan muruvvatingni do‘stga ham, dushmanga ham maqtama.
FIRDAVSIY

Yaxshilik qilgan emas, yaxshilik ko‘rgan gapirsin.
SENEKA

Bergan minnat qilmasin, olgan — gapirsin.
M. SERVANTES

Agar xayrli ish qilsam-da, bu ishim hammaga ayon bo‘lib qolsa, men bundan sevinmayman, o‘zimni jazolagandek his etaman.
N. ShAMFOR

Sen dunyoda ko‘rnamak odamlar borligidan ranjib yuribsan. Vijdoningdan so‘rachi, senga yaxshilik qilgan odamlarning bari ham o‘zingdan ro‘shnolik ko‘rganmi.
SENEKA

Ko‘rnamaklar taxmin qilganimizdan ko‘ra ancha oz, negaki, saxiylar ham o‘ylaganimizga qaraganda ancha kam.
Sh. SENT-EVREMON

Bizdan nimadir yaxshilik ko‘rgan odamimizni uchratsak, darhol uning minnatdorchilik bildirishini eslab qolamiz. Vaholanki, o‘zimiz minnatdorchilik bildirishimiz zarur bo‘lgan kishilarni ko‘rganimizda esa bu narsa xayolimizga ham kelmaydi.
I. GYoTE

Hammadan ham yaxshilikni tez unutadilar.
F. ShILLER

Deyarli hamma odamlar mayda-chuyda yaxshiliklarga shukrona bildiradilar, ko‘pchilik esa uncha arzimaydigan yaxshiliklardan minnatdor bo‘ladi, ammo hech haqiqiy yaxshilikning qadriga yetmaydi.
F. LAROShFUKO

Ko‘rnamaklikning birinchi odimi — yaxshilik qilgan odamning niyatipi sinchiklashdir.
P. BUAST

O‘ylamay qilingan gunoh uchun so‘kmaganlaridek, majbur bo‘lib qilingan yaxshilik uchun ham maqtash kerak emas.
YeVRIPID

Yaxshilikni darrov qaytaraman deyishning o‘zi ham ko‘rnamaklikdir.
F. LAROShFUKO

Yaxshilikka yarasha tashakkur bildira olish ham oson emas, buning uchun ko‘p kuch sarflash kerak.
J. LABRUER

Ko‘rnamakka iltifot ko‘rsatish — u qadar baxtsizlik emas, ammo qabih odamdan yordam so‘rash katta baxtsizlikdir.
F. LAROShFUKO

Nafratimizga uchragan kimsalarning yordamiga muhtoj bo‘lish og‘ir musibatdir.
QOBUS

ziyouz.uz