Bloger, o’qituvchi, @domlajon kanali admini Isroil Tillaboev yana bir dolzarb mavzu yuzasidan Xalq ta’limi vazirligiga savol bilan murojaat qilibdi.
Hozir murojaatni keltirib o’tamiz:
«Shu kunlarda o’quvchilarini masofadan turib dars qildirayotgan ko’plab o’qituvchilardan quyidagicha murojaat tushmoqda:
Maktab rahbariyati har kunlik dars ishlanmasini telegram’dan yuborishlarini talab qilmoqda ekanlar.
Umuman, biz kun davomida o’quvchilar bilan individual tarzda ijtimoiy tarmoqda darslarini nazorat qilib topshiriqlar berib tekshirib bormoqdamiz. Dars ishlanmadan mutlaqo farq qiluvchi jarayon bajarmoqdamiz, dars ishlanma 45 minutga mo’ljallangan bo’lsa bizda vaqt belgilanmagan hozirda.
(haqiqatdan o’zim ham maktabimdagi bolalar bilan shunday shug’ullanyapman. 1-sinf o’g’limning ustozi Anna Makarovnaning ham faoliyatini ko’rib turibman, kecha soat tungi 23 larda ham ota onalar bolalarining vazifalarini yubormoqda, o’sha vaqtda ham tekshirib tahlil qilib bermoqda ustoz:clap::clap:)
Xullas shu kunlardagi deyarli barcha o’qituvchilar shunday holatda.
Haqli savol, shu paytda o’qituvchilardan dars ishlanma so’rash mantiqan to’g’rimi? Oddiy dars jarayonida emasmizku biz. Masofaviy ishlayotgan o’qituvchilarni nazoratini sinflar uchun ochilgan gruppalarga qo’shilayotgan direktorlar va O’IBDO’lari qilishmoqdaku shundoq ham.
YA’ni amaliy ish ketmoqdaku internet aloqasi qiynayotgan bo’lsa ham?
Xalq ta’limi vazirligidan shu masalaga xolis baho berishlarini iltimos qilib qolamiz.»