Xabaringiz bor, 823-sonli qaror bo’yicha o’qituvchilar ustama olishda respublika miqyosidagi gazeta va jurnallarda, ilmiy konferensiyalarda, yoki ta’limga oid web saytlarda maqola bilan ishtirok etishlari kerak edi.
Endilikda umumiy o‘rta ta’lim muassasalarining o‘rnak ko‘rsatgan xodimlarini moddiy rag‘batlantirish tartibiga tegishli o‘zgartirish va qo‘shimchalar kiritish maqsadida Vazirlar Mahkamasining 2020 yil 31 dekabrdagi “Vazirlar Mahkamasining “Umumiy o‘rta ta’lim muassasalarining o‘rnak ko‘rsatgan xodimlarini moddiy rag‘batlantirish tartibini takomillashtirish to‘g‘risida” 2019 yil 30 sentabrdagi 823-son qaroriga o‘zgartirish va qo‘shimchalar kiritish haqida” 831-sonli qarori qabul qilindi.
Kiritilgan o‘zgartirish va qo‘shimchalarga ko’ra endi o‘qituvchilar turli maqola va tasislar bilan ishtirok etishlari shart bo‘lmaydi.
Buni yaxshi yangilik deyishimiz mumkin. Endi asosiy e’tibor o‘qituvchining chiqargan sinfi, o‘quvchi bilan ishlashi, seminarlarda dars o‘tishi, tashkil etgan ochiq darslari, o‘tkazgan tadbirlarining sifati, o‘quvchilarning o‘zlashtirish samaradorligi, xalqaro tadqiqotlarga o‘quvchilarni tayyorlab borishi, o‘quvchilarining fan olimpiadalarida qatnashishi va ish stajiga qaratiladi.

Joylangan vaqt: 2022-08-27 21:51:30