ЗОҲИДОВ Абдулла Зоҳидович (1910. 12. 7 — Тошкент — 1977.9.3) — гигиенист, Ўзбекистонда (1963) ва Қорақалпоғис-тонда (1965) хизмат кўрсатган фан ва техника арбоби. Ўзбекистонда хизмат кўрсатган врач (1958). Тиббиёт ФА мухбир аъзоси (1971), тиббиёт фанлари д-ри (1967), проф. (1967). ТошТИ ни тугатган (1933). Ҳарбий врач (1939 — 47), ТошТИ коммунал гигиена кафедраси мудири (1949—59), айни вақтда Ўзбекистон Санитария ва гигиена илмий тадқиқот ин-ти директори (1950 — 67), 1967 й. дан ТошТИ умумий ва радиацион гигиена кафедраси мудири. Коммунал ва умумий гигиенанинг турли соҳаларига оид кўпгина илмий асарлар муаллифи.