ЗИМНОНСОЙ — Тошкент вилояти Бўстонлиқ туманидаги сой, Серкалисой (Тераклисой)нинг чап ирмоғи. Чатқол тизмасининг тармоғи — Қорақуш тоғи (3864 м)нинг шим. ғарбий ён бағирларидан оқиб тушадиган 30 дан зиёд майда ирмоқнинг қўшилишидан ҳосил бўлади. Бошланишида ён бағирлари тик ва тор водийда тез оқади. Ўрта оқимида сой водийси бир оз кенгаяди. Уз. 18 км. 3., асосан, қор ва қисман ёмғир сувларидан тўйинади, суви май — июнь ойларида кўпаяди, кам сувли давр дек. — фев. га тўғри келади.