ЗАЙЦЕВ Александр Михайлович (1841.20.6, Қозон 1910.19.8) рус органик кимёгари, Петербург ФА мухбир аъзоси (1885). Қозон ун-тининг проф. (1871). Диэтилкарбинолни синтез қилган ва органик бирикмаларнинг янги синфи — лактонларни кашф этган (1873). Галогенводородларнинг тўйинмаган углеводородларга бирикиш ва галогенводородларнинг алкилгалогенидлардан ажралиш қонуниятини кашф этган (бу қонуният Зайцев қоидаси деб аталади). Алкилгалогенид билан кетон аралашмасига рух таъсир эттириб, учламчи тўйинган спирт синтез қилишнинг янги усулини таклиф этган (1885). Рух органик бирикмалар ёрдамида кетонлардан учламчи спиртлар олиш усулини ишлаб чиққан (бу усул Зайцев реакцияси деб аталади). Шогирдлари билан бир қанча тўйинмаган углеводородлар (бутилен, диаллил ва б.) синтез қилган.