ЗАРМИТОН (ЧОРМИТОН) ОЛТИН КОНИ — Нурота тоғининг жан. ғарбий чеккасида, Самарқанд ш. дан қарийб 100 км шим. ғарбда жойлашган кон. 1952 й. И. Ҳ. Ҳамробоев очган. 1978 й. ишга туширилган. 1950й. лардан кейин конда олиб борилган геологик қидирув ва геофизик тадқиқотлар натижасида олтини бор бир қанча жойлар аниқланди. Кондаги асосий руда минерали — олтин ва кумуш; қўшимчалари: вольфрам, қўрғошин, pyx, сурма ва б. З. о. к. геологик тузилишида эрта силур даври жазбулоқ свитасига тааллукли вулканогентерриген жинслар иштирок этган. Улар изоклиналь бурмалар ҳосил қилган ва регионал метаморфизм жараёнига учраган. Кондаги интрузив жинслар биотитамфиболли граносиенитлардан иборат. Саноат аҳамиятига молик рудалар ертомир шаклида, улар 70—80° остида шим. ва шим. шарққа энкайган. 3. о. к. да олтин ҳосил бўлишида тектоник, магматик ва литологик омиллар муҳим роль ўйнаган.