ЗАРЧЎВА (Curcuma) — занжабилдошларнинг оиласига мансуб кўп йиллик ўт ўсимлик. 50 дан ортиқтури бор. Икки тури Осиё, Африка ва Австралиянинг тропик худудларида ўсади. Ҳиндистон, Индонезия, Хитойнинг жан. да экиладиган (С. Jonga L.) тури кўпроқ аҳамиятга эга. Асосан, хушбуй, илдизи таркибида 1,5—5% эфир мойи ва зарарсиз сариқ модда бор. 3. илдизи кукун ҳолида ишлатилади, иссиқ сувда тез эрийди, озиқовқатга (паловни тилларанг қилишда зирвакка ёки ювилган гуручга қўшилади). Зарчўвадан олинадиган сариқ буёқ локларга ранг беришда ишлатилади. Иккинчисининг илдизпоясидан олинадиган аччиқ модда ликёр тайёрлашда ва тиббиётда қўлланилади. Ёввойи турларининг илдизпоясидан крахмал олинади. 3. илдизпоясидан купайтирилади.