ЗАНГ КАСАЛЛИГИ, ўсимликлар занг касаллиги — ўсимликларда замбуруғлар келтириб чиқарадиган касаллик. 3. к. билан ғалла экинлари, беда, Занг касаллиги: 1 — буғдой занг касали; 2—малина занг касали; 3—нок занг касали лавлаги, зиғир, нўхат, кунгабоқар, бодом, олма, нок касалланади. Касалланган ўсимлик барги, пояси ва қисман мевасида зарғалдоқ, кейинчалик жигарранг спора дўмбоқчалари пайдо бўлади, ўсимлик яхши ривожланмайди, баъзан барглари қурийди, ғалла экинлари бошокламайди. Занг замбуруғларининг баҳор, ёз ва қишки споралари ривожланиш циклини икки хил ўсимликда ўтказади. Mac, буғдой, сули, жавдарда учрайдиган чизиқсимон занг (қўзғатувчиси Puccinia graminis) замбуруғлари дон экинлари похолида қишлаб, баҳорда зиркка ўтади, сўнг яна дон экинларини зарарлайди. Олма ва нокдаги занг замбуруғлари арчада қишлаб баҳорда унинг споралари яна мевали дарахтларга ўтади. Кураш чоралари: алмашлаб экиш жорий қилинади, касалликка чидамли навлар экилади, дала атрофида зирк, арча ўстирилмайди, касалликнинг бошланиш даврида экинлар олтингутурт билан чангланади (яна қ. Замбуруғли касалликлар).