ЗАЛЬКАЛН, Залькалнс Теодор [1876.18 (30).11, ҳоз. Латвиянинг Рига тумани — 1972.6.12, Рига] — латиш ҳайкалтароши, Халқ рассоми (1957), БА нинг ҳақиқий аъзоси (1947), Меҳнат Қаҳрамони (1971). Петербург (189399), Париж (18991901, О. Роден устахонаси)да таҳсил кўрган. 1920 й. дан Ригада яшаган. Латвия БАда ҳайкалтарошлик кафедраси мудири (проф., 1944—58). 3. асарлари умумлашма шакли, тектоникасининг катъийлиги билан ажралиб туради. Портретлар («А. Кирхенштейн», гипс, 1946; «Ф. Блумбах», терракота, 1956 ва б.), қабр тошлар («Я. Порук», гранит, 1930; «О. Лацис», гранит, 1945 ва б.), ҳайкаллар («Р. Блауманис», гранит, 1929; «А. Кронвальд», бронза, 1938 ва б.), анималистика асарлари, медаллар яратган.