ЮСУПОВ Эркин (1929.15.3, Қува шаҳри — 2003.5.8, Тошкент) — файласуф олим. Ўзбекистон ФА акад. (1979), Ўзбекистонда хизмат кўрсатган фан арбоби (1979), Россия ФА мухбираъзоси (1991; 1987 йилдан СССР ФАнинг мухбир аъзоси), фалсафа фанлари д-ри (1965), проф. (1966). Ўрта Осиё унтининг тарих ф-ти мантиқ ва психология бўлимини тугатган (1951). Тошкент педагогика институти фалсафа кафедрасида катта ўқитувчи (1954—58), кафедра мудири (1958—72). Ўзбекистон КП МК ҳузуридаги Партия тарихи институти директори (1972—79). Ўзбекистон ФАнинг вицепрезиденти (197990). ТошДУ ректори (199092), республика «Маънавият ва маърифат» жамоатчилик марказининг раҳбари (1994—95). ТошДУ гуманитар фтлар фалсафа кафедрасининг мудири (1995—97). 1997 йилдан ТошДУ фалсафа кафедраси проф. Юсупов республикада илмий кадрлар тайёрлашга катта ҳисса қўшди. Илмий ишлари ижтимоий фалсафа, мантиқ, тарих, сиёсатшунослик, маънавият, мафкура масалаларига бағишланган. Беруний номидаги Ўзбекистон Давлат мукофоти лауреати (1992).
Ас: Ёшларнинг маънавий камолоти, Т., 1995; Одамийлик сабоқлари (ҳаммуаллифликда), Т., 1997; Фалсафа (дарслик; ҳаммуаллифликда), Т., 2000; Маънавий қадриятлар ва уларнинг тарбиявий аҳамияти, (ҳаммуаллифликда), Т., 2003.