ВОҲА — 1) чўл ва чала чўлларда обод қилинган ер. Воҳада намгарчилик қўшни р-нларга нисбатан кўп. Ер ости сувлари юза бўлиб, булоқлар чиқиб ётади, дарёлар вақт-вақти билан тошиб туради. Воҳалар кўпинча дарё, кўл, канал ва қудуқлардан сув билан таъминланади. Майдони бир неча ўн км2 дан бир неча ўн минг км2 гача бўлади. Шим. Африка, Ғарбий Осиё ва Марказий Осиё чўлларида машҳур Воҳалар бор. Тошкент, Мурғоб, Хоразм, Бухоро В. лари, Фарғона водийсидаги Воҳалар ҳам анча катга. Одатда, Воҳа ларда аҳоли зич яшайди.
2) Антарктиданинг муздан холи бўлган жойлари.