ВАЗАРИ (Vasari) Жоржо (1511.30.7, Ареццо — 1574. 27.6, Флоренция) — итальян меъмори, рассом, санъат тарихчиси. Маньеризм вакили. Асосан Флоренцияда ишлаган: Палаццо Век-кьо деворига ишланган суратлар, 1555—71; Уффици меъморий ансамбли, 1560 (ҳозир музей) ва б. «Машҳур рассом, ҳайкалтарош ва меъморлар тар-жимаи ҳоли» асари (1550) да итальян рассом ва меъморлари ҳаёти ва ижоди, шунингдек Уйғониш даври санъати ривожи ҳақида қимматли маълумотлар ёритилган.