ВАСИЛИЙ 1 Мақдуний (836-886 га яқин) — Византия императори (867 й. дан). Македония феми (қ. Фемлар)даги деҳқонлардан. Македон сулоласи асосчиси. Империянинг шарқида арабларга қарши ва Италияда кураш олиб борган. Диний тусдаги павелчилик ҳаракатини бостирган. Прохирон (православ черкови ҳуқуқлари ҳақида қўлланма)ни нашр эттирган. Эпанагог (суд учун қўлланма)лар тайёрлаш билан машғул бўлган.