ВАСИЛИЙ IV Шуйский (15521612) — рус подшоси (1606—10). Князь И. А. Шуйскийнинг ўғли. Борис Годуновта қарши яширин мухолифат раҳбари. Лжедмитрий I ни аввал қўллабқувватлаган, сўнг унга қарши фитна уюштирган. Подшоҳ бўлиб олгач, Болотников қўзғолонини бостирган, крепостнойларни асоратга солишни кучайтирган. Поляк босқинчилари ва Лжедмитрий II билан кураш жараёнида Швеция б-н иттифоқ тузган. Лекин бу иттифоқ шведлар босқинига олиб келган. Москваликлар томонидан тахтдан ағдарилган, поляклар асирлигида вафот этган.