ВАНКУВЕР — Канаданинг жан.ғарбидаги шаҳар, Британия Колумбияси провинциясида. Аҳолиси 472 мингдан зиёд киши (1990-й. лар ўрталари). Т. й. ва автомобиль йўллари тугуни, халқаро аэропорт бор. Мамлакатнинг йирик саноат, савдо-молия маркази. Ванкувер провинцияда ишлаб чикариладиган саноат маҳсулотининг қарийб ярмини беради. Канаданинг Тинч океан соҳилидаги энг йирик порти. Ванкувер орқали четга буғдой, ўрмон маҳсулотлари, балиқ ва рангли металлар чикарилади. Ёғочсозлик, озиқовқат, нефтни қайта ишлаш, металлсозлик, кемасозлик саноатлари ривожланган. Ўрмон, кон ва озиқ-овқат саноати учун машиналар ишлаб чиқарилади. Ун-т, кончилик музейи бор. Шаҳарга 1886 й. да асос солинган ва инглиз денгиз сайёҳи Ж. Ванкувер номи билан аталган.