ВАЛЬЯДОЛИД — Испаниядаги шаҳар, Вальядолид провинциясининг маъмурий маркази. Писуэрга дарёси ва Кастилия канали бўиида. Аҳолиси 344 мингдан зиёд киши (1990-й. лар ўрталари). Муҳим т. й. ва автомобиль йўллари тугуни. Автомобилсозлик ва тракторсозликнинг йирик маркази. Алюминий, тўқимачилик, кимё, керамика саноати ривожланган. Тери қайта ишлана-ди, заргарлик буюмлари ишлаб чиқарилади. Ун-т (1346 й. дан) бор. В. 10-а. дан маълум. Кастилия қиролларининг собиқрезиденцияси. Меъморий ёдгорликлардан СантаМария ла Антигуа (11—14-а. лар), Сан-Пабло (15-а.) чер-ковлари сақланган.