ВАЛАМАТЗОДА Ғаффор Рустамович [1916.26.4(9.5), Хўжанд – 1993.12.12, Душанба] — тожик балет артисти, балетмейстер, реж. Тожикистон халқ артисти (1945), 1951-63 й. лар С. Айний номидаги опера ва балет театрининг бош балетмейстери, 1961—63 й. лар Тожик филармониясининг директори ва бадиий раҳбари, 1965 й. дан «Лола» ансамблининг раҳбари. Биринчи тожик балети («Ду гул»)га, шунингдек «Лайли ва Мажнун», «Боқчасарой фаввораси», «Мовий гилам» балетлари ва «Восэнинг қўзғолони», «Майсаранинг иши» каби операларнинг рақс саҳналарини яратган. В. Ўзбекистоннинг «Баҳор», «Шодлик» ва б. ансамблларида бир қанча рақс («Лола» рақс-сюитаси, «Мўғулча», «Помирча», «Афғонча» ва б.)ларни саҳнага қўйган.