ВАЖА ПШАВЕЛА (тахаллуси; асл исми Лука Павлович Разикашвили) [1861. 14 (26). 7, Чаргали қишлоғи — 1915.27.6 (10.7), Тбилиси] — грузин ёзувчиси. Ижоди 80-й. ларнинг ўрталаридан бошланган. «Алуда Кетелаури» (1888). «Меҳмон ва мезбон» (1893), «Бахтриони» (1892), «Илонхўр» (1901) достонларида замонасининг умуминсоний аҳамиятга молик фалсафий ва ахлоқий муаммолари ўз ифодасини топган. Важа Пшавела 40 га яқин достон, 400 га яқин шеър, бир неча пьеса, ҳикоялар, этнографик, илмий ва публицистик мақолалар ёзган.