ВАДУЦ — Лихтенштейн князлигининг пойтахти. Рейн дарёсининг ўнг соҳилида, Ретикон тоғи этагида жойлашган. Ахолией 4,8 мингдан зиёд киши (1990-й. лар ўрталари). Вадуц мамлакатнинг савдо-молия маркази. Шаҳарда майда саноат корхонаси кўп; саноат маҳсулотинингдеярли ҳаммаси четга чикарилади. Вадуц ва унинг атрофида аниқ машинасозлик, асбобсозлик, самолётсозлик, ракетасозлик, саноати учун деталлар тайёрловчи корхоналар, Европадаги энг катта «Неолица» сунъий (чинни) тиш ф-каси бор. Ҳунармандчилик ривожланган. Вадуцда йирик банк, коллеж, музейлар, почта маркалари бозори, меъморий ёдгорликлардан 9-а. да қурилган калъа бор. Туризм ривожланган. Шаҳар 1342 й. да вужудга келган.