СУЛТОНОВ Абдулла Султонович (1913.13.3 Тошкент 1983.26.10) — кимёгар олим. Ўзбекистон ФА мухбир аъзоси (1966). Ўзбекистонда хизмат кўрсатган фан арбоби (1973). Кимё фанлари д-ри (1964), проф. (1966). Ўрта Осиё ун-тини тугатгач (1935), шу ун-т органик кимё кафедрасида ассистент (1935—40), доцент (1940—47). Ўзбекистон ФА Кимё ин-тида лаб. мудири (1947—59). Полимерлар кимёси и. т. институтида директор муовини (1959 — 63). Ўрта Осиё нефтни қайта ишлаш и. т. институти директори (1964—78), лаб. мудири (1978—83). Асосий илмий ишлари нефтни кайта ишлаш ва нефть кимёси саноати органик катализи муаммоларига оид. Султонов гидрокрекинг, гидроолтингугуртсизлаш, гидрогенизация, газларни олтингугурт бирикмаларидан тозалаш ва б. кимёвий жараёнларда қўлланадиган катализаторларнинг янги турларини синтез қилган. Карбон кислоталарни декарбоксиллаш ва биологик фаол катализаторларни қўллашнинг назарий асосларини ишлаб чиққан.
Ас: Химическая теория катализа Д. И. Менделеева и дальнейшие её развития, Т.. 1961.