СААРИНЕН (Saarinen) Элиель (1873.20.8, Рантасалми, Финляндия — 1950.30.6, БлумфилдХилс, АҚШ) — фин меъмори. Гельсингфорс (Хельсинки) да ўқиган (1893—97); ун-тда рассомлик, Политехника ин-тида меъморликни ўрганган. Фин меъморлигида «миллий романтизм» услубининг асосчиси (Хельсинкидаги Миллий музей, 1906—09; Лахтидаги ратуша, 1912), 1923 й. дан АҚШда ишлаган (ўғли Эро Сааринен б-н). Асосий лойиҳалари: Париждаги Халқаро кўргазма павильони (1900, ҳамкорликда), мактаб, музей ва БлумфилдХилсдаги БА (1926 — 43), Уоррен (Мичиган штати) даги «Женерал моторе» компанияси техник марказининг лойиҳаси (1948—56) ва б.