«СПЕЙС ШАТТЛ» (инг. Space Shuttle — космик моки) — АҚШнинг кўп марта фойдаланиладиган транспорт космик кемаси. Массаси ~ 2000 т гача, уз. 56 м. 1босқичи қаттиқ ёқилғили ракета двигатели бўлган 2 та тезлаткичдан иборат. 2босқичи (орбитал) бортида астронавти бўлган қанотли; у орбитадан чиққандан сўнг «самолёт» режимида ерга туша олади. 1марта 1981 й. апр. да астронавтлар билан учирилган. 1999 й. гача 5 та орбитал босқич — «Колумбия», «Челленжер» (1986.28.1. да ҳалокатга учраган), «Дискавери», «Атлантис», «Эндевер» қурилган.