СОЛОМОНОВА Тамара Евгеньевна (1927.9.7, Тошкент) — мусиқашунос, Ўзбекистонда хизмат кўрсатган санъат арбоби (1977), проф. (1981). Тошкент консерваториясини тугатган (1952). Р. Глиэр номидаги мусиқа мактаби (1952—56), Ҳамза номидаги мусиқа билим юрти (1955—63), Тошкент консерваторияси (1963 й. дан)да педагог, илмий ишлар бўйича проректор (1973—89), кафедра мудири (1989—98). Илмий фаолияти ўзбек анъанавий мусиқасининг ритм масалаларига бағишланган, 20-а. Ўзбекистон мусиқа тарихига бағишланган илмий, илмийуслубий ва Марказий Осиё мусиқасига доир оммабоп дарслик ва тўпламлар тузувчиси.