СОДИҚОВА Зайнаб Ғаниевна (1917.9.2, Ижевск — 1995.25.5, Самарқанд) — актриса, реж. Ўзбекистон халқ артисти (1950). Ижодий фаолиятини 1934 й. Ҳ. Олимжон номидаги Самарқанд мусиқали драма театрида бошлаган. Содиқова ижоди драматик шуур б-н бирга пинҳон кечинмаларга бой. Саҳнада сўз жарангидан кўра, хрлат, хатти-ҳаракат ва қарашлар маъноси орқали образ қиёфасини очишни афзал кўрган. Саҳнада 150 дан ортиқ роль ижро этган. Қиммат («Рустам»), Лида («Платон Кречет»), Дилбар («Тормор»), Любовь («Любовь Яровая»), Адолат («Адолат»), Луиза («Макр ва муҳаббат»), Жамила («Бой ила хизматчи»), Холисхон («Холисхон»), Гули («Алишер Навоий»), Кураж она («Бандаи гумроҳ») ва б. шулар жумласидан. Реж. сифатида «Тошболта ошиқ» (ҳ. Ғулом, М. Левиев), «Биринчи муҳаббат» (X. Воҳид), «Жон қизлар» (К. Бойсеитов, К. Шанғитбоев, М. Муҳамедов), «Эзоп» (Г. Фигейреду), «Тентак» (Н. Ҳикмат), «Одам туғилди» (Ў. Умарбеков), «Парвона» (Уйғун), «Олгин девор» (Э. Воҳидов), «Отелло» (У. Шекспир, А. Гринберг билан ҳамкорликда) каби спектаклларни саҳналаштирган.