СОДИҚОВ Марат Файзиевич (1945.27. 12, Ғиждувон тумани) — график рассом, Ўзбекистон БА акад. (2003). Узбекистонда хизмат кўрсатган маданият ходими (1999). Тошкент театр варассомлик санъати ин-тини тугатган (1973). Содиқов литография, акварель, гуашь, темпера усулида ижод қилади, ижодида фидокорлик, рассом ва замон, инсон ва табиат каби мавзулар етакчи ўрин тутади, ҳаётда рўй берган муҳим ўзгаришлар унинг асарларида ўз аксини топади: «Газли» (1971), «Навоий кимё к-ти» (1974), «Фашизм» триптихи (1975), «Ҳодиса» (1976), «Оқ Бухоро» туркуми (1978—85), «Хроника» туркуми (1981), «Менинг Бухороим» (1982), «Ўзбекистон бўйлаб» (19842000), «Сўқоқ» (1985) ва б. автолитографиялар туркумлари.
Содиқов асарларидан намуналар республика ва хорижий мамлакатлар (АҚШ, Англия, Германия, Италия, Австралия, Россия ва б.) музей ва тўпламларида сақланади. Ҳамза номидаги Ўзбекистон Давлат мукофоти лауреати (1987).