САЁЗЛИК — сув ҳавзалари (океан, денгиз, кўллар) тубининг атрофига нисбатан чуқурлиги камроқ бўлган қисмлари. Денгизларда трансгрессия натижасида юзага келган С қурукликнинг сув остидаги давоми. Океанларда улар маржон полиплари ёки вулканик келиб чиқишга эга. Саёзлик ларда қумли оқизиқ жинслар оқим таъсирида ўз шакли ва ўрнини ўзгартириб туради. Қуёш нурлари сув остигача етиб борганлигидан Саёзликда органик ҳаёт ривожланиши учун шароит қулай: балиқ ва сув ўсимликларига бой, бироқ кема қатнови мураккаброқ бўлади.