САЙДАЛИЕВ Убайдулла Асқарович (950.18.4, Тошкент) — театр рассоми, Ўзбекистонда хизмат кўрсатган санъат арбоби (1988). Тошкент театр ва рассомлик санъати ин-тини тугатган (1974). 1972 й. дан Ҳамза театри (ҳоз. Ўзбек миллий академик драма театри)да рассом, бош рассом. С. ижодида шартли, рамзий усуллардан фойдаланиб спектакллар руҳини очиб беришга хизмат қиладиган саҳна безаклари яратади: «Майсаранинг иши» (Ҳамза), «Истеҳком» (И. Султон), «Шошма, қуёш» (Ў. Умарбеков), «Куёв» (С. Аҳмад), «Оқ кема» (Ч. Айтматов) ва б.