САЙБУРҲОНОВ Обиджон (1949.6, Андижон) — Ўзбекистон халқ артисти (1991). Тошкент давлат театр ва рассомлик санъати ин-тини тугатган (1974). 1974 й. дан Андижон театрида актёр. Бури Баҳодир («Меҳрибонлар»), Деҳқонбой («Ошиқ Ғариб ва Шоҳсанам»), Содиқ («Кампирга совчи келди»), Жероний («Зўраки табиб»), Азиз («Дуэль»), Грей («Ричард III»), Бобур («Бобур»), Сувонқул («Момо ер»), Қодирқул («Бой ила хизматчи»), Эдгар («Қирол Лир»), Султонали («Меҳробдан чаён»), Кррахўжа («Нодира»), Қори («Тобутдан товуш») каби роллари билан танилган. Сайбурҳонов образлари ифода воситаларининг аниклиги, хаётийлиги, қаҳрамонлари кучли ва салобатлилиги билан ажралиб туради.