САИДБЕКОВ Амирали (1920.15.5, Фарғона вилояти Риштон тумани — 1945.8.4, Польша, Рибник ш.) 2-жаҳон уруши қатнашчиси, 1939—40 й. лардаги Совет-Финляндия уруши қатнашчиси. 1941 й. июндан 325-гвардиячи ўқчи полкнинг рота командири, гвардиячи катта лейтенант. 1945 й. 8 апр. да бўлган жангда маррани моҳирлик билан сақлаб, жасорат кўрсатган ва шу жангда ҳалок бўлган. 1945 й. 29 июнда (ўлимидан сўнг) Қаҳрамон унвони берилган. Фарғонадаги кўчалардан бири унинг номи билан аталган. Риштон туманидаги Сариканда қишлоғида ёдгорлик ўрнатилган.