ҚОРА ДЕНГИЗ БЎҒОЗЛАРИ — Босфор ва Дарданелл бўғозлари. Қора денгизни Ўрта денгиз билан бирлаштириб туради. 1936 й. ги Монтрё конференциясида қабул қилинган конвенция асосида ҳуқуқий томонлари тартибга солинган. Конференцияда Лозанна конференциясининг (1922 — 23) бўғозлар ҳақидаги конвенцияси ўрнига бўғозлар режими тўғрисида янги конвенция қабул қилинган. Қора денгиз атрофидағи давлатларнинг тинч даврларда бўғозлардан ўз ҳарбий кемаларини чекланмаган сонда, конвенцияда белгиланган шартларга риоя қилган ҳолда олиб ўтишдан иборат тартиби тан олинган, Қора денгиздан нарида жойлашган мамлакатлар ҳарбий кемаларининг ўтиши уларнинг синфи, тоннажи ва Қора денгизда бўлиш муддати билан чекланган.