ҚАПЧИҒАЙ УСТАХОНАСИ — палеолит даврига оид (чақмоқтошга ишлов берувчи) устахона. Фарғонадан 40 км жан. да Олой тизмасининг шим. қиялигидаги Дангарак дара сойида жойлашган. 1956 йилда очилган. 1958 — 59 йилларда Ўзбекистон ФА Тарих ва археология интининг А. П. Окладников раҳбарлигидаги отряди текширган. Қапчиғай устахонасидан тош қуроллар, нуклеуслар топилган. Қуроллар баланд тоғ чўққиси қатламларидаги юқори сифатли ҳар хил чақмоқтошлардан ясалган. Қуроллар ясаш ва тошга ишлов бериш учун чақмоқтошнинг йирик синиқларидан чўкич сифатида фойдаланилган.