ҚАЛАМЖАРСОЙ — Навоий вилоятининг шарқидаги сой. Суялтош тизмасининг (Нурота тоғларининг жан. тармоғи) жан. ён бағирларидан, 1200 м баландликда бошланади. Бошланишидан Шўрча қишлоғигача Кескантол, ундан кейин Жуш қишлоғигача Каттасой, ундан қуйироқда Қаламжарсой (Қаландарсой, Селсой) деб аталади. Уз. 121 км, ҳавзасининг майд. 2610 км2. Уртача кўп йиллик сув сарфи бошланишидан 10км да 0,055 м1/сек.