ОЛТИНГУГУРТЛИ ЎҒИТЛАР — таркибида олтингугурти бўлган ва ўғит сифатида ишлатиладиган бирикмалар. Калий, магний, аммоний сульфатлари, фосфогипс ва б., шунингдек, қис-ман олтингугурти бўлган жинслар Олтингугуртли ўғитлар сифатида қўлланилади. Ўсимликлар учун қорёмғир, гўнг ва б. органик ўғитлар олтингугуртнинг яхши манбаи ҳисобланади. Олтингугуртли ўғитлар таркибида олтингугурт кам бўлган шўрхок ва б. ерларда қўлланилади; қумоқ кулранг тупрокли ерларда купроқ самара беради. Тупроққа йилига ёгин билан бирга гектарига 8 кг гача олтингугурт ангидриди (SO3) ту-шади. Олтингугуртли ўғитлар кўпчилик қ. х. экинларига, айниқса, танасида кўп микдорда олтингугурт тутадиган ва уни аксарият ҳолларда камида фосфорга тенг микдорда ўзлаштирадиган бутгулдошлар, дуккакдошлар, кунгабоқар ва картошка учун фойдали. Олтингугуртли ўғитлар билвосита уғит тарзида ҳам ижобий таъсир курсатиши мумкин: тупроқдаги ортиқча ишқорийликни камайтиради, нейтраллайди, қийин эрувчи фосфатларнинг узлаш-тирилишини оширади, Са, К, Mg, Fe ларнинг эрувчанлигини кучайтиради.