ОЛТИНГУГУРТЛИ БЎЯГИЧЛАР — ароматик бирикмалар, нитро – ёки аминобирикмаларни олтингугурт ёки натрий сульфид билан бирга қиздиришдан ҳосил бўладиган синтетик бўягичлар. О. б., одатда, сувда эримайдиган кўп жинсли қаттиқ моддалардан иборат. Матони бўяшда Олтингугуртли бўягичларни натрий сульфиднинг сувдаги эритмаси билан қайтариб, лейкобирикмалар ҳосил қилинади. Бу моддаларнинг натрийли тузлари сувда эрувчан бўлиб, матога яхши сингади. Матога сингдирилган лейкобирикмалар хаво кислороди б-н оксидланиб, дастлабки Олтингугуртли бўягичлар рангини олади. Олтингугуртли бўягичлар сариқ, жигарранг, кўк, зангори, бинаф-ша ранг, яшил, қора ва б. тусда бўлиши мумкин. Олтингугуртли бўягичлар ювилганда ранги айнимайди. Арзон, олиниши оддий бўлгани учун кенг қўлланади.