ОДЕССА УНИВЕРСИТЕТИ, ИИ. Мечников номидаги Одесса университети — Украинадаги қад. ун-тлардан бири. Тарихи 1865 й. Одессада ташкил этилган Новороссийск ун-тидан бошланади. 1920 й. Новороссийск ун-ти негизида бир қанча олий ўқув юртлари вужудга келди. 1933 й. ун-т кайта тикланиб, Одесса деб атала бошланди. 1945 й. унга рус биолог олими И. М. Мечников номи берилган. Ун-т физика, мат., кимё, биол., геол., геогр., тарих, фи-лол., ҳуқуқ ва б. ихтисосликлар бўйича мутахассислар тайёрлайди. Ун-тда 10 мингдан ортиқ талаба таълим олади.