ОБРАЗЦОВА Елена Васильевна (1939.7.7, Санкт-Петербург) — рус хонандаси (меццо-сопрано). Халк, ар-тисти (1976). Ленинград консерватория-сини тугатган (1964). Тўлақонли ва кучли овоз, юксак вокал ҳамда драматик маҳорат соҳибаси. 1964 й. дан Катта театрнинг етакчи яккахон хонандаси. Опера саҳнасида Марфа («Хованшчи-на», М. Мусоргский), Любаша («Шоҳ қайлиғи», Н. Римский-Корсаков), Кармен («Кармен», Ж. Бизе), Эболи, Азу-чена («Дон Карлос», «Трубадур», Ж. Верди) каби бош партияларни ижро этган. Концерт репертуаридан камервокал асарлари кенг ўрин олган. Европа, Осиё, Америка мамлакатларида гастролда бўлган. П. Чайковский номидаги (Москва, 1970), Ф. Виньяс номидаги (Барселона, 1970) ва б. халқаро танловлар голиби. Глинка номидаги Россия Давлат мукофоти билан тақдирланган (1973).