НЕЙРОЛИНГВИСТИКА (лот neuron – нерв ва lingua — тил) — психология фани соҳаси, афазиянинг психолингвистик жиҳатларини ўрганади. Нейролингвистиканинг фан сифатида вужудга келиши, бир томондан, нейропсихологиянинг, иккинчи томондан, лингвистика ва психолингвистиканинг ривожланиши билан боғлангандир. Ҳоз. замон нейропсихологиясида Нейролингвистика сўзлашга миянинг системали функцияси сифатида, афазияга эса системанинг бузилиши сифатида карайди. Нейролингвистиканинг ривожланиши психолог А. Р. Лурия (1902— 77) ва унинг шогирдларининг илмий ишлари билан боғлиқдир.