ҲАЙДАРОВ Аҳад Холиқович (1911.20.4,Самарқанд – 1971.11.11) — хирург. Ўзбекистонда хизмат кўрсатган фан арбоби (1968), Ўзбекистонда хизмат кўрсатган врач (1950). Тиббиёт фанлари д-ри (1960), проф. (1960). СамТИни тугатгач (1936), Бухоро вилояти Кизилтепа туман касалхонасида врач (1936—37), Самарқанд вилояти Ургут туман касалхонасида бош врач (1937—39), СамТИ оператив хирургия кафедрасида ассистент (1940 — 41), уруш қатнашчиси (1941— 45), СамТИ госпитал хирургия кафедрасида ассистент (1946—50), умумий хирургия клиникасида доцент (1950—55). СамТИ госпиталь хирургия кафедраси мудири (1958—71). Илмий ишлари аортанинг коарктациясига ва куйишни операция йўли билан даволашга оид.