ҲАБИБУЛЛАЕВ Пўлат Қирғизбоевич (1936.14.10, Андижон) — физик олим ва жамоат арбоби. Ўзбекистон ФА акад. (1984). СССР (1991 й. дан Россия) ФА мухбир аъзоси (1984). Ўзбекистонда хизмат кўрсатган фан арбоби (1994), физика-мат. фанлари д-ри (1971), проф. (1972). Ўрта Осиё ун-тини тугатган (1960). Тошкент педагогика ин-тида кафедра мудири (1964—71), Андижон пахтачилик ин-ти ректори (1971—75), Ўзбекистон КП МК фан ва ўқув юртлари бўлими мудири (1975—78). Ўзбекистон ФА Ядро физикаси ин-ти директори (1978—88), Ўзбекистон ФА Иссиқпик физикаси бўлими илмий раҳбари (1977 й. дан). Ўзбекистон ФА вице-президенти (1979—84), президенти (1984—88), Ўзбекистон Олий Совети раиси (1985— 88), Ўзбекистон Олий Совети Президиуми раиси (1988—89), Ўзбекистон Республикаси Фан ва техника давлат қўмитаси раиси (1994 й. дан), Вазирлар Маҳкамаси ҳузуридаги Фан ва технологиялар маркази директори (2002 й. дан). «Ўзбекистон физика журнали» бош муҳаррири (1995й. дан). Илмий ишлари акустик спектроскопия, физик ва квант акустика, нанофи-зика ва юмшоқ муҳитлар физикаси, ночизиқли оп-тика ва лазер термокимёси, суперион ўтказгичлар ва квант-ўлчамли системалар физикаси, ядро физикаси ва радиацион материалшунослик, ночизиқли динамика ва хаос, изо-топлар физикаси ва кимёси, лазер фотосинтези ва б. йўналишларга доир. Ҳабибуллаев критик ҳодисалар ва фазавий ўтишлар соҳасини ўз ичига олган конденсирланган муҳитлар акустик спектроскопияси асосчиларидан бири.
Ўрта мактаб ва олий ўқув юртлари учун физикадан дарсликлар муалли-фи. Покистон, Ҳиндистон ва б. бир қанча хорижий ФА аъзоси. Беруний номидаги Ўзбекистон Давлат муко-фоти лауреати (1981). «Меҳнат шуҳ-рати» ордени билан мукофотланган (2000).
Ас.: Электростатистическая модель ёмких кластеров и термодинамические параметрн реакций кластерообразования, Т, 1985; Физика мягких систем, Т., 1998.