ҲАМРОЕВА Гули Раззоқовна (1946.2.12, Тошкент) — балерина, балетмейстер, педагог. Ўзбекистон халқ артисти (1983). Раззоқ Ҳамроевннж қизи. 1966 й. Тошкент хореография билим юртининг «балет артисткаси» ихтисослиги, 2001 й. Тошкент давлат миллий рақс ва хореография Олий мактабининг «балетмейстер-режиссёр» ихтисослиги бўйича тугатган. 1966 й. дан Навоий номидаги Катта опера ва балет театрида аввал балет раққосаси, 2000-2002 й. лар балет директори, 2002 й. дан педагогрепетитор. 2002 й. дан Тошкент давлат миллий рақс ва хореография Олий мактабининг рек-тори. «Боқчасарой фаввораси» (Заре-ма), «Дон Кихот» (Китри), «Эсмераль-да» (Эсмеральда), «Спартак» (Эгина), «Севги тумори» (Чундари), «Жизель» (Мирта), «Оққуш кўли» (Оққуш ва испанча рақс), «Золушка» (Угай она), «Испан миниатюралари» (Испан қиз), «Кар-мен» (Кармен), «Корсар» (Гулнора), «Насриддин саргузаштлари» (Насрид-диннинг хотини), «Клеопатра» (Кле-опатра), «Жонланган миниатюралар» (Канизак) каби спектаклларда асосий ролларни ижро этган. Лиризм, психо-логик теранлик, нафис ҳаракат, хореографик имо-ишора ва ҳаракатларда у ноёб уйғунликка эришди. Раққо-санинг инсон ҳиссиётлари, ички кечинмаларини рақс ҳаракатларида моҳирона етказишида ўзига хос таҳлили кўзга ташланади. «Дилором» (Ди-лором), «Семург» (Паризод) каби фильмларда суратга тушган. Ҳамроева ҳаёти ва ижодига бағишланган «Болеро» ҳужжатли фильми ишланган (1995).