ҲАМРОЕВ Рашид Ҳамидович (1937.27.8, Бухоро – 1985.5.9, Тошкент) — композитор, Ўзбекистонда хизмат кўрсатган санъат арбоби (1984). Тошкент консерваториясини тугатган (1961). Тошкент театр ва рассомлик санъ-ати ин-тида кафедра мудири (1961—76), Тошкент маданият ин-ти доценти (1974 й. дан). Йирик мусиқий-саҳнавий ва симфоник мусиқа жанрларида ижод қилиб, «Зулматдан зиё» (1965), «Тонг олдидан» (1972), «Шайх Санъон» (1980) опералари, 4 симфония (1965-85), фортепиано (1961), скрипка (1973) ва оркестр учун кон-цертлар, «Абу Али ибн Сино» вокал-симфоник поэмаси, шунингдек, торли квартет, турли камер мусиқа асарлари, мусиқали драмалар каби миллий оҳанглар билан суғорилган, драматик ва лирик жозибадор асарлар муаллифи. Ҳамза номидаги Ўзбекистон Давлат мукофоти лауреати (1966).