GISTIDIN, a-amino-R-5imidazolilpropion kislota, C6H,O2N3 — kristall modda. Suvda, spirtda eriydi, efirda erimaydi. Asos xossalari bor. Koʻpchilik oqsillar tarkibiga kiradi. Gistidin organizmda parchalanganda gistamin (dekarboksillanganda) yoki ammiak, glyutamin va chumoli kislota (dezaminlanganda) hosil boʻladi. Tibbiyotda meʼda va oʻn ikki barmoq ichakning yara kasalligida qoʻllaniladi.